samlangikta aur samaj

samaj me akesar nayi pidi kuchh badlaw chahti hai ,aur badlaw hona bhi chahiye lekin is badlaw me ek chij ka khayal rakhna behad jaruri hai ki kya har chij me badlaw sambhaw hai ,ya amuk badlaw se samaj ka tana bana apne mul rup me barqarar rah sakta hai .
do chije is samay samaj me her kisi ka mansik santulan vichlit kar rahi hai .
1  live in relationship
2  samlangikta
ye dono hi mudde apne aap me ek aisa rup liye hue hai ki qaynat banane wale malik k niymo ko tak per rakh kar uske jagah apni mansikta ke adhar per samaj me ek naya dhacha taiyar karna chahte hai .
samlangikta jo qudarat k najriye se dekha jaye to ek tarah ki bimari hai ,aur iski taraf akarsit hone walo ki tadat bhi bahut kam hai ager ek lakh me ek manusya is bimari se grasit hai to uske kritya ko jayaj thahra ker  dusre logo ko protsahit karna ya kanoon banaker jayaj karar dena baki ke 99999 logo ki andekhi kiya jana sahi hai ? akhir HRC kaun se samaj ki rachna karna chahta hai .
        ek purush ka purush se aur mahila ka mahila se sharirik sambandh samaj ko do group me batne ki sajish ho sakti  hai.pyar kahi na kahi jarurat se juda hua ahsas hai aur yahi wo ahsas hai jo ek dusre ki dekh bhal karne ke liye prerit karta hai aur tamam rishto ke roop me samaj ka ek dhacha khada karta hai ,aise me jarurat jab same gender se pura hone lage to aise logo ke qareeb rishte koi mayne nahi rah jata hai .
 us watavaran me jo is kritya ko ek gunah samjhte hai unke bachcho k bhawishya per kya aser padega iski kalpna karna bhi aasan nahi hai .
dusri chij live in relationship ek aisi azadi jisme kisi bhi aurat mard ke liye sharirik sambandh itana mamuli banane wala amal ki jaise kisi ne koi mobile liya aur wo hank karne lage fir tang aker us mobile ko bhangar me dal do ya kaudiyo ke bhaw bikne k liye dukano me chhod do aur khud k liye dusra mobile le aao ,
yaha sabse jyada aurat ki ahemiyat ko khatm karne ki koshish ho rahi hai ,ek sachchayi se sabhi log waqif hai ki ager aurat ka sharirik sambandh shadi se pahle ya shadi k bad pati ke alawa kisi dusre mard se hota hai to uski ahemiyat naa hi pariwar me rahti hai aur naa hi samaj me .

sahan shakti bhi aurat ke ander jyada hoti hai isiliye ek mard ka biwi ke alawa dusri aurat se rishta  hone ki jankari hone per bhi aurat pati ka sath nahi chhodti lekin ek bhi mard aisa nahi milega jise ye malum ho jaye ki uski biwi ka kisi dusre mard se bhi rishta hai ,bawzud iske wo uska jiwan bhar sath nibhaye .aise me iske khilaf sabse jyada aurto ko khul ker iska virodh karne ki jarurat hai .kyun ki aaj jo ladki hai kal wo hi kisi ladki ki ma banengi aur koi ma aisa kabhi nahi chaengi ki uski ladki ko samaj ochhi najron se dekha jaye .